أبناء عاملين

أبناء عاملين
أصل الحكاية من البداية
هي.............
أصل الحكاية يا واد يا حسين
عرف قديم في جديد
وظهر في إجازة العيد
إن كل واحد في أي مكان
له الحق يعين إنسان
شوف العدل وصل لفين
راح صاحبنا بن عبد العظيم
أتعين في الصحة لكن مش باش حكيم
وقال في البترول
الواد تامر جاله الدور
وهو كله نصيب
شوف النصب بتاع الناس
لم أنا قلت مبروك
مبروك علينا هيثم بيه
رد الأغبيه شوف بن الأيه
قلت يا ساتر ...أنا غلطت ولا أيه
سأل حمار منهم مين يا واد هيثم بيه؟
ضحكت بصوت عالي مجلجل
وقلت مش هي أبناء عاملين؟
قالوا....... أيوه
قلت أنا طيب الدور علي مين؟
ردوا وقالوا جمال بيه
ضحكت وقلت من بعده مين ؟
ردوا وقالوا عياله
قلت يبقي مبروك علينا هيثم بيه
سلسال شريف
رئيس من بعد رئيس
فلتحيا العاملين أبناء العاملين
والله يحرق العاطلين
وباء وانتشر بين البشر
حقد وغيره وقلة حيله
عاطل.... باطل.... باطل
أنا واللي زى الواد حسين
من العاطلين يحقدوا علي
أولاد الناس الطيبين
يا ه ع الظلم يا جدعان
حظه وجاله لعنده
وانا اللي مستني لم يصبني الدور
وأخيرا عرفت إن الدور
علي اللي عليه الدور بيدور
من أبناء الوطن الشرفاء
أبناء العاملين الكرماء
ما هي في النهاية
أبناء عاملين
وسد بأك بالطين
يا واد حسين
يا عاطل يا عاطل
جواز حسين فيه مواطن
باطل ....... باطل
جواز حسين فيه ..عاطل
وتحية إلي أبناء العاملين
وليسقط المواطن الباطل العاطل

إمضاء مواطن ..عاطل...باطل